هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
أهلا وسهلا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب
:˚ஐ˚◦{ <السلام عليكم , عزيزي الزائر / عزيزتي الزائرة منتَدَاكمً يُرَحبُ بكـُمً .. إنً كنتَ تَرغَب في الإنظمَامً إلى أسًرَة المنتَدَى سَنتَشَرَفُ بتَسًجيلَكَ ..تحيَآت إدَارَة منتَدَى اعدادية زاوية البئر:) ♥}◦˚ஐ˚
:˚ஐ˚◦{ آخر عُضو مُسجل هو حسناء فمرحباً به.
♥}◦˚ஐ˚
:˚ஐ˚◦{ <ستجدون هنا دروس الاجتماعيات و بعض المواد الاخرى ) ♥}◦˚ஐ˚
:˚ஐ˚◦{ يمكن للزائر الكريم تسجيل مساهمته في المنتدى ♥}◦˚ஐ˚
:˚ஐ˚◦{ يهنئء السيد مدير المؤسسة تلاميد المؤسسة باحياء هدا المنتدى من جديد ♥}◦˚ஐ˚
مشآرڪآتي : 121نقاط : 4750 التقييم : 1 تاريخ التسجيل: : 29/03/2012 العمر : 41 مَدينتے : تنغير
موضوع: رسالة بالدارجة إلى أحمد عصيد آش عندك مع الإسلام ؟ الجمعة 6 يوليو 2012 - 20:16
آش عندك مع الإسلام ؟ باش تكون على خاطرك السي عصيد قررت باش نكتب ليك بالدارجة لأنك عندك مشكل كبير مع اللغة ديال القرآن أباش تفهم مزيان أن المغاربة ماشي كلهم موافقين على هدرتك . أبصحة والراحة إلى فهماتك الجوقة اللي مكتعرفش الله ولا رسوله عليه الصلاة والسلام . معليناش آسي عصيد مناسبة الرسالة هو داكشي اللي كتبتي في موضوع عنونتيه " دمقرطة وسائل الإعلام بين الرهان والآذان " أبديتي كتقول اللي كتقولو ديما على الإسلاميين اللي واقفين ليك فحال شوكة في الحلق ونسيتي باللي المغاربة راهم كلهم مسلمين أب على جد وانا اللي كنرد عليك راني مسلم والملك ديال البلاد راه مسلم وأمير المؤمنين والحكومة الجديدة راها مسلمة والأحزاب المغربية مسلمة وباختصار الإدارة المغربية مسلمة والإستثناء غادي يكون في دوك التسعود اللي خرجو باغين إفطروا في رمضان زائد شي وحدين اللي كيخدو الدعم الأجنبي أضاربين عليه الطم من شحال هذا أراكمو ثروات كثيرة (...) السي عصيد أنا كنخترم فيك الشخصية ديالك كواحد مثقف أدارس ما شاء الله , لكن منقدرش نسكت وانت كتهدر بزاف على المسلمين أكتعتبرهم متخلفين أعندهم أهداف ضد الحضارة والتقدم أمكيعرفوش يتحاورو زعما أنهم سبب ديال تعطيل التنمية في البلاد ونشر الخرافة أكيدخلو في الناس خاصة في أمور ديال الدين . السي عصيد كتجمعنا معاك وحدة هاذ البلاد فتربينا على المحبة والإخلاص ومحبة ديال الناس . متنساش باللي 80% من المغاربة قراو في الكتاتيب القرآنية وتعمنا دينا وقرآنا على يد فقهاء قرينا باللوحة والصمق أكنا جيل كيحتارم والديه والجيران واللي كان مبلي كان كيستر راسو من الفضيحة على الأقل كانت فيه الحشمة والحياء وفي نفس الوقت المغاربة قراو مزيان أشدو شواهد عليا أمنهم أنت السي عصيد لكن علاش حتى تعين الملك محمد السادس عاد كلشي بغا يهدر كلشي نصب راسو عارف وحقوقي ومناضل واش نسيتي باللي في أيام الملك الراحل الحسن الثاني وادريس البصري كان المجتمع المغربي أفضل من اليوم رغم قلة الحريات والتعسف والتسلط والقمع والحكرة كانت الناس كتحب البلاد أفيها روح التآخي والعطف والمؤازرة والعوين والصدقة والإحسان والكرم , شوف دابا آش واقع بهدرة ديال العلمانيين فالحريات جابت كثرة الطلاق ولا عندنا مشكل غير ديال المتزوجات من هذا الجيل الشبابي فاللي تزوجات باغا تحكم حيث ولات خدامة ولات كتقول أنها مستقلة ماديا ومن حقها تغدى مع صحابها في الخدمة وتدخل معطلة في الليل وتلبس اللي بغات وتعري على صدرها وسيقانها عاد خلي اللي وشمات في الكثف واماكن غير الله يستر . السي عصيد واش نخليو عشرة ديال الناس إخرجوا في رمضان كياكلو والناس صايما واحد معنق وحدة باسم الحب والجنس في واضحة النهار ونقولو خليوهم هذيك حريات فردية راه إلى فكرتي شي شوية السي عصيد غادي تلقى الفوضى فحال إلى حنا كنعيشو في غابة واللي كيقومو بهذشي غير الحيوانات . احنا عندنا قوانين أعندنا خصوصيات , راه مخصناش نقارنوا راسنا بالأجانب ونعطيو أمثلة بالقوانين الدولية في كل مناسبة رغم الأمم المتحدة راها في القوانين الدولية كتعطي الصلاحية التامة لكل دولة باش تحافظ على الخصوصية ديالها مادامت دولة سيادة والمغرب ولله الحمد بلد سيادة فيه قوانين وفيه تقاليد وفيه ثقافة فإسبانيا مثلا متقبلش تفرض على مواطنيها يلبسو الحجاب بكل بساطة لأنها ماشي دولة إسلامية فمن حقها تتعايش مع المسلمين ولكن متفرضش قوانين على رعاياها أما العيب اللي فينا فالجمعيات النسوية كتساهم في إفلاس المجتمع عن طريق مطالب وأجندات خارجية والحمد لله أن الشعب فهم بأن بعض الجمعيات اللي كتخد الدعم الأجنبي علاش كتهدر في مواضيع حرية المرأة والمساوات وغيرها (....) السي عصيد نرجع ليك الموضوع الأساسي فاللي شفت فيه أنك كتبغي البرامج ديال الدوزيم اللي فيها الشطيح والرديح أمبغتيش آذان الصلاة واللغة العربية زعما أنت في واحد من الباحثين في المعهد الملكي للثقافة وأنك تتاخذ 13 ألف درهم كراتب شهري من أموال الشعب ماشي خدام في مرقص ليلي باسم دوزيم وبرامجه الساقطة اللي تبنات تخريج ألاف ديال البنات لعالم الرقص في الملاهي الليلية باسم أصوات غنائية والوقت اللي كيعيشو المغرب وقت صعيب خصنا نوفرو كل ريال باش نحاربو الفساد والمفسدين الآ بغتي فعلا كرامة ديال المواطن أما تبدير المال العام في القصاير وتوزيع المغانم فظلم للشعب أما عن اللغة الفرنسية فهي لغة الإستعمار وليست لغة المغاربة ولكن تعلمناها الحمد لله ولكن كنستخدموها في وقتها ماشي باش نبانو بها ونبانو على بعضياتنا . مع فائق الإحترام والتقدير
المشرف العام للمنتدى استاذ مادة الاجتماعيات
مشآرڪآتي : 1434نقاط : 10699 التقييم : 114 تاريخ التسجيل: : 30/03/2011 العمر : 41 مَدينتے : الجــنوب الشرقي
موضوع: رد: رسالة بالدارجة إلى أحمد عصيد آش عندك مع الإسلام ؟ السبت 7 يوليو 2012 - 0:03
:
:
الأحد 5 مارس 2023 - 10:25 من طرف 
مَدينتے
